ఒక్కరోజే 1,212 కేసులు

గుంటూరు వైద్యం: జిల్లాలో కరోనా తీవ్రత కొనసాగుతూనే ఉంది. శుక్రవారం ఉదయం 9 నుంచి శనివారం ఉదయం 9 గంటల వరకు జిల్లా వ్యాప్తంగా 1,212 కేసులు నమోదయ్యాయి. గతేడాది మే తర్వాత ఇంత భారీ సంఖ్యలో కేసులు నమోదు కావడం ఇదే ప్రథమం. క్రియాశీలక కేసులు 6,195కి ఎగబాకాయి. కరోనా మహమ్మారి కారణంగా మరణాల సంఖ్య 1,261ని తాకింది. ఇప్పటివరకు కరోనా బారిన పడిన వారి సంఖ్య 1,86,996కు చేరిందని వైద్య ఆరోగ్య శాఖ అధికారులు శనివారం వెల్లడించారు. గుంటూరు, నరసరావుపేట, మంగళగిరి, తాడేపల్లిలో మొత్తం కేసుల్లో 70.46శాతం నమోదు కావడం గమనార్హం. ఈ నాలుగుప్రాంతాల్లో వైరస్‌ వ్యాప్తిపై అధికార యంత్రాంగం దృష్టిపెట్టాలని నిపుణులు సూచిస్తున్నారు.