ఒకే నమూనాలో సెలవు పత్రం

ఉద్యోగుల సెలవు నమూనా పత్రం

జిల్లాపరిషత్తు (గుంటూరు), న్యూస్‌టుడే: రాష్ట్ర పీఆర్‌సీ సాధన సమితి పిలుపు మేరకు జిల్లాలో ఎక్కువ మంది ఉద్యోగులు మంగళవారం సామూహిక సెలవులు పెట్టనున్నారు. ఈనెల 25 నుంచి ఆందోళన కార్యక్రమాలు చేపడుతుండటంతో ఉద్యోగులు వారు పని చేస్తున్న కార్యాలయాల అధికారులకు క్యాజువల్‌ లీవ్‌ (సీఎల్‌) ఒకే నమూనాలో దరఖాస్తు చేయనున్నారు. మంగళవారం ఉదయం పది గంటలకు గుంటూరులోని వెంకటేశ్వర విజ్ఞాన మందిరం నుంచి జిల్లా కలెక్టరేట్‌ వరకు జరిగే ర్యాలీ, అనంతరం సాయంత్రం 5 గంటల వరకు జరగనున్న ధర్నాలో పాల్గొనేందుకు సెలవు పెడుతున్నట్లు నమూనా పత్రంలో పేర్కొన్నారు. ఆయా శాఖల ఉద్యోగ సంఘాల నాయకులు ఉద్యోగులకు నమూనా పత్రాలను పంపి ఆ విధంగా సెలవు పత్రాలను అందజేసి ధర్నాకు హాజరుకావాలని సూచించారు. దీంతో సోమవారం సాయంత్రమే ఉద్యోగులు అధికారులను కలిసి సెలవు పత్రాలను పూర్తి చేసి అందజేశారు.