గురజాల కేంద్రంగా పల్నాడు జిల్లా ఏర్పాటు చేయాలి

పిడుగురాళ్ల, న్యూస్‌టుడే : కొత్తగా ఏర్పాటు చేసే జిల్లాలను గురజాల కేంద్రంగా పల్నాడు జిల్లాగా ఏర్పాటు చేయాలని మాజీ ఎమ్మెల్యే యరపతినేని శ్రీనివాసరావు ఓ ప్రకటనలో డిమాండ్‌ చేశారు. పల్నాడుకి అన్యాయం జరిగితే సహించేది లేదన్నారు. పల్నాడు ప్రాంతం పారిశ్రామికంగా, ఆర్థికంగా, వ్యవసాయపరంగా ముందుందని పేర్కొన్నారు. అపారమైన ఖనిజసంపద, సిమెంటు ఫ్యాక్టరీలు ఈ ప్రాంతంలోనే ఉన్నాయని చెప్పారు. ఈ ప్రాంతానికి జాతీయ రైల్వేమార్గం, రాష్ట్ర, జాతీయ రహదారులు సౌకర్యాలు ఉన్నాయని తెలిపారు. గురజాల కేంద్రంగా జిల్లాని ఏర్పాటు చేయాలని లేకపోతే పార్టీలకు అతీతంగా ప్రజలతో ఉద్యమం చేస్తామని హెచ్చరించారు.