కొవిడ్‌ మృతుల కుటుంబాలకు ఆర్థిక సాయం

బాపట్ల పట్టణం, న్యూస్‌టుడే : బాపట్ల నియోజకవర్గంలో ఆర్య వైశ్య కుటుంబాల్లో పేదరికంతో ఉన్న వారిలో ఎవరైనా కొవిడ్‌తో మృతి చెందితే వారి కుటుంబానికి ఆర్థిక సాయం అందించడానికి ఆ సామాజిక వర్గానికి చెందిన ఎన్‌.సుధారాణి, ఎన్‌.హనుమాన్‌ (యూఎస్‌ఏ) దంపతులు ముందుకు వచ్చారు. బాపట్లకు చెందిన గుర్రం పద్మనాభరావు కుమార్తె, అల్లుడు యూఎస్‌ఏలో ఉంటున్నారు. పేద ఆర్యవైశ్య కుటుంబంలో ఎవరైనా కొవిడ్‌తో చనిపోతే వారి కుటుంబ సభ్యులకు రూ.50 వేలు ఆర్థిక సాయాన్ని ఇవ్వడానికి నిర్ణయించుకున్నట్లు ప్రకటించారు. వారి పూర్తి వివరాలను అంబేడ్కర్‌ విగ్రహం కూడలిలోని పద్మ జనరల్‌ స్టోర్స్‌లో తెలపాలని దుకాణం యజమాని గుర్రం పద్మనాభరావు తెలిపారు.