జిల్లాలో సగటున 2.3 మి.మీ వర్షపాతం

కలెక్టరేట్‌(గుంటూరు), న్యూస్‌టుడే: జిల్లాలో గురువారం ఉదయం నుంచి శుక్రవారం ఉదయం వరకు జిల్లాలో సగటున 2.3 మిల్లీ మీటర్ల వర్షపాతం నమోదైంది. ప్రత్తిపాడు 9, తెనాలి 6.8, గుంటూరు పశ్చిమ 5.2, ఫిరంగిపురం 3.8, వట్టిచెరుకూరు 3.8, గుంటూరు తూర్పు 2.4, పొన్నూరు 2.4, పెదనందిపాడు 2, కొల్లిపర 1.8, దుగ్గిరాల 1.6, మేడికొండూరు 1.4, పెదకాకాని 0.6 మిల్లీ మీటర్ల వర్షపాతం నమోదైంది. కాగా శుక్రవారం మధ్యాహ్నం వరకు ఎండ వేడి, ఉక్కపోతతో ప్రజలు తీవ్ర ఇబ్బంది పడ్డారు. సాయంత్రం సమయంలో ఒక్కసారిగా వాతావరణం చల్లబడటం, గాలి వీయడంతో ఉపశమనం పొందారు.