చౌక బియ్యం పట్టివేత

భీమడోలు(ఏలూరుజిల్లా), న్యూస్‌టుడే: తెనాలి నుంచి కాకినాడ పోర్టుకు అక్రమంగా తరలిస్తున్న రూ.4.32 లక్షలు విలువైన 240 క్వింటాళ్ల రేషన్‌ బియ్యాన్ని భీమడోలు పోలీసులు జాతీయరహదారిపై సూరప్పగూడెం వద్ద శుక్రవారం పట్టుకున్నారు. . బియ్యంతోపాటు లారీని కూడా సీజ్‌ చేసినట్లు భీమడోలు మండల సీఎస్‌ డీటీ ఎ.మాధవరావు తెలిపారు. తెనాలికి చెందిన వేముల ట్రేడర్స్‌ యజమాని వెంకటరత్నకిషోర్, పొన్నూరుకు చెందిన షేక్‌ సిరాజుద్దీన్‌బాబావలీ, వెలగ మోహనకృష్ణ, చింతా ప్రదీప్‌లపై 6ఏ కేసు నమోదు చేసినట్లు అధికారులు పేర్కొన్నారు.