పట్టణ ప్రాథమిక ఆరోగ్యకేంద్రానికి పార్టీ రంగులు

అద్దంకిలో నిర్మించిన ప్రాథమిక ఆరోగ్య కేంద్రం

అద్దంకి, న్యూస్‌టుడే : దక్షిణ అద్దంకిలో నిర్మాణం పూర్తి చేసుకున్న పట్టణ ప్రాథమిక ఆరోగ్యకేంద్రానికి అధికార పార్టీ రంగులు వేయడం స్థానికంగా చర్చనీయాంశమైంది. రూ.80 లక్షలు వెచ్చించి అద్దంకి నగర పంచాయతీలో ఈ నిర్మాణం చేపట్టారు. త్వరలో ప్రారంభోత్సవానికి సిద్దం చేస్తున్న తరుణంలో వైద్యశాలకు రాజకీయ పార్టీ రంగులు వేయడంపై స్థానికులు చర్చించుకుంటున్నారు. అధికారులంతా బదిలీల వ్యహారంలో తలమునకలైన నేపథ్యంలో కనీసం ఈ అంశం గురించి పట్టించుకునే వారు లేకపోవటం గమనార్హం. ఇప్పటికే పలుమార్లు అధికారిక భవనాలకు పార్టీ రంగులు వేయడంపై ఇస్సటికే పలుమార్లు న్యాయస్థానాల్లో చుక్కెదురైనా అధికార పార్టీ నాయకుల్లో స్పందన లేకపోవడం సర్వత్రా ఆసక్తికరంగా మారింది.