18 నుంచి మెమో రైళ్ల పునరుద్ధరణ

గుంటూరు రైల్వే, న్యూస్‌టుడే: కొవిడ్‌ నేపథ్యంలో నిలిపివేసిన మూడు మెమో రైళ్లను జులై 18 నుంచి పునరుద్ధరిస్తున్నట్లు మండల రైల్వే అధికారి తెలిపారు. గుంటూరు నుంచి విజయవాడ వెళ్లే రైలు(07864) గుంటూరులో 17.45 గంటలకు బయలుదేరి పెదకాకాని 17.51, నంబూరు 17.57, మంగళగిరి 18.09, కేసీ కెనాల్‌ 18.23, విజయవాడ 19.00 గంటలకు చేరుతుంది. తెనాలి నుంచి గుంటూరు వచ్చే రైలు(07282) తెనాలిలో 15.45 గంటలకు ప్రారంభమై అంగలకుదురు 15.51, సంగంజాగర్లమూడి 15.58, వేజెండ్ల 16.05, గుంటూరు 16.40 గంటలకు వస్తుంది. మార్కాపురం నుంచి తెనాలి వచ్చే రైలు(07890) మార్కాపురంలో 10.10 గంటలకు బయలుదేరి వినుకొండ 11.14, నరసరావుపేట 11.50, గుంటూరు 13.20, తెనాలి 14.45 గంటలకు చేరుతుంది.