Chandrababu: సుప్రీంకోర్టు తీర్పునకు విరుద్ధంగా వ్యవహరిస్తున్నారు: చంద్రబాబు

అమరావతి: సోషల్‌ మీడియాలో పోస్టులు పెడుతున్న వారిపై సీఐడీ వేధింపులను తెదేపా అధినేత చంద్రబాబు ఖండించారు. ఈ మేరకు డీజీపీ రాజేంద్రనాథ్‌రెడ్డికి ఆయన లేఖ రాశారు. సోషల్‌ మీడియా పోస్టుల విషయంలో తెదేపా శ్రేణులను బెదిరిస్తున్నారని ఆరోపించారు. 

గార్లపాటి వెంకటేశ్వరరావు, మోకర్ల సాంబశివరావులను అక్రమంగా అదుపులోకి తీసుకొని సీఐడీ వేధించిందని లేఖలో చంద్రబాబు పేర్కొన్నారు. నోటీసుల పేరుతో అర్ధరాత్రి తలుపులు పగులగొట్టి పోలీసులు వేధిస్తున్నారని ఆరోపించారు. సుప్రీం తీర్పునకు విరుద్ధంగా వ్యవహరిస్తున్నారన్నారు. ప్రతిపక్షాలను ప్రభుత్వం రాజకీయ వేధింపులకు గురిచేస్తోందని.. కుట్ర చేసిన సీఐడీ అధికారులపై చర్యలు తీసుకోవాలని చంద్రబాబు డిమాండ్‌ చేశారు.