494 ఎంఎల్‌హెచ్‌పీ పోస్టుల భర్తీకి దరఖాస్తులు

గుంటూరు వైద్యం, న్యూస్‌టుడే : ప్రాంతీయ వైద్య ఆరోగ్య సంచాలకుల కార్యాలయ పరిధిలోని ఉమ్మడి గుంటూరు, ప్రకాశం, నెల్లూరు జిల్లాల్లో 494 మిడ్‌-లెవెల్‌ హెల్త్‌ ప్రొవైడర్‌(ఎంఎల్‌హెచ్‌పీ) పోస్టుల భర్తీకి ఉద్యోగ ప్రకటన విడుదల చేశారు. ఒప్పంద విధానంలో జరిగే ఈ నియామకాలకు బీఎస్సీ(నర్సింగ్‌)డిగ్రీ అర్హత ఉన్న అభ్యర్థులకు ఆన్‌లైన్‌లో రాతపరీక్ష నిర్వహించనున్నారు. మార్కుల ఆధారంగా అభ్యర్థులను ఎంపిక చేయనున్నారు. ఆరు నెలల కమ్యూనిటీ హెల్త్‌ సర్టిఫికెట్‌ కోర్సుతో బీఎస్సీ పూర్తి చేసిన వారికి నేరుగా నియామక పత్రాలను అందజేస్తారు. ఆ అర్హత లేనివారు ఇగ్నో ద్వారా ఆరునెలల సర్టిఫికెట్‌ కోర్సులో శిక్షణ పొందాల్సి ఉంటుంది. ఈ నెల 22వ తేదీ వరకు దరఖాస్తులను స్వీకరించనున్నారు. ఆగస్టు 24 నుంచి 30వ తేదీ వరకు హాల్‌టికెట్లు డౌన్‌లోడ్‌ చేసుకోవచ్చు. సెప్టెంబరు మొదటివారలో రాతపరీక్ష నిర్వహించేందుకు అధికారులు ఏర్పాట్లు చేస్తున్నారు. పూర్తి వివరాలు hmfw.ap.gov.in, cfw.ap.nic.in వెబ్‌సైట్‌లో అందుబాటులో ఉన్నాయి.