సురేష్‌బాబుకు కేంద్ర హోం శాఖ పతకం

మంత్రి ధర్మాన ప్రసాదరావు నుంచి కేంద్ర హోం శాఖ పతకం, పురస్కారం స్వీకరిస్తున్న సీఐ సురేష్‌బాబు

గుంటూరు నేరవార్తలు, న్యూస్‌టుడే : నెల్లూరు జిల్లా జాతీయ రహదారిపై 2020లో రూ. 5 కోట్ల విలువైన కంటైనర్‌ అపహరణకు గురైంది. ఘటనకు కారణమైన కంచరభట్ల గ్యాంగ్‌ను పట్టుకున్నందుకుగాను గుంటూరు జిల్లా పెదకాకాని పోలీసుస్టేషన్‌ సీఐ బండారు సురేష్‌బాబును కేంద్ర హోంశాఖ పతకానికి ఎంపిక చేసింది. 2022లో ఉగాదికి ప్రభుత్వం సేవా పతకానికి ఎంపిక చేసింది. ఈ రెండు పతకాలు సోమవారం పోలీసు కవాతు మైదానంలో జరిగిన కార్యక్రమంలో మంత్రి ధర్మాన ప్రసాదరావు, కలెక్టర్‌ వేణుగోపాల్‌రెడ్డి, జిల్లా ఎస్పీ ఆరిఫ్‌ హఫీజ్‌ చేతుల మీదుగా సీఐ స్వీకరించారు.