చిత్ర వార్తలు

నాడు ఘనం... నేడు దీనం

రాజధాని నిర్మాణాలు జరుగుతున్న రోజుల్లో నిత్యం భారీ  వాహనాల రాకపోకలతో సందడిగా ఉండే రహదారి ఇది. నిర్మాణ సామగ్రి తరలింపు, భారీ క్రేన్‌లు రావడానికి వీలుగా ఉండేది. మూడేళ్లుగా నిర్మాణ పనులు జరగకపోవడంతో పిచ్చిమొక్కలు పెరిగిపోయి కనీసం ద్విచక్రవాహనం కూడా వెళ్లడానికి వీలులేనంతగా మారిపోయి కుంగిపోయాయి. వివిధ రాష్ట్రాల నుంచి వేలాదిగా ఇక్కడ నిర్మాణ పనులు చేయడానికి వచ్చే కార్మికుల రాకపోకలతో సందడిగా ఉండేది. ఇప్పుడు మనుషుల జాడ కూడా లేనంతగా తయారయ్యింది.

- ఈనాడు అమరావతి

శ్రీకృష్ణ జన్మాష్టమి వేడుకల ప్రారంభం

శ్రీకృష్ణ జన్మాష్టమి, శ్రీల ప్రభుపాదుల వారి 126వ శ్రీ వ్యాస పూజ మహోత్సవాలు నరసరావుపేట పట్టణంలోని బరంపేట శ్రీశ్రీ రాధా గోవింద చంద్ర మందిరంలో బుధవారం నుంచి ప్రారంభమయ్యాయి. ఈ సందర్భంగా రాధాకృష్ణులను ప్రత్యేకంగా అలంకరించారు.

-న్యూస్‌టుడే, మల్లమ్మ సెంటర్‌

బొప్పాయి..  భలే ఉందోయి

పల్నాడు జిల్లా నరసరావుపేట మండలం గురవాయపాలెం గ్రామ రైతు చుండ్రు  గురుస్వామికి చెందిన బొప్పాయి తోటలో బొప్పాయ కాయలు స్టార్‌ ఫిష్‌, శంఖు, బాతు తదితర ఆకారాల్లో ఉండి చూపరులను ఆకట్టుకుంటున్నాయి.

-న్యూస్‌టుడే, నరసరావుపేట