రోడ్లా.. చెరువులా..?

కలెక్టరేట్‌(గుంటూరు), న్యూస్‌టుడే: జిల్లా వ్యాప్తంగా బుధవారం మధ్యాహ్నం భారీ వర్షం కురిసింది. గుంటూరు నగరంలోని పలు రహదారులు జలమయమయ్యాయి. ఎటుచూసినా రహదారులు చెరువులను తలపించాయి. పెదకాకాని, పొన్నూరు, తాడికొండ, మేడికొండూరు, ఫిరంగిపురం, కొల్లిపర తదితర మండలాల్లో వర్షం కురిసింది.

సగటున 2.9 మి.మీ వర్షపాతం

గుంటూరు జిల్లాలో మంగళవారం ఉదయం నుంచి బుధవారం ఉదయం వరకు సగటున 2.9 మిల్లీ మీటర్ల వర్షపాతం నమోదైంది. మంగళగిరి 14, పెదకాకాని 11.2, వట్టిచెరుకూరు 9.6, తాడికొండ 4, ప్రత్తిపాడు 3.2, తుళ్ళూరు 2.8, దుగ్గిరాల 2.6, గుంటూరు తూర్పు 2, కాకుమాను 1, గుంటూరు పశ్చిమ 0.8, పొన్నూరు 0.3 మిల్లీ మీటర్ల వర్షపాతం నమోదైంది.