ఉడత తెచ్చిన తంటా

మరమ్మతులు చేస్తున్న విద్యుత్తు సిబ్బంది

బల్లికురవ, న్యూస్‌టుడే:  మండలంలోని కొప్పెరపాడు విద్యుత్తు సబ్‌స్టేషన్‌లో పరివర్తకంపై ఉడతలు పడటంతో  శుక్రవారం పెద్ద శబ్దాలు వచ్చి మంటలు చెలరేగాయి. సుమారు రూ.1లక్ష విలువ చేసే ఇన్సూలేటర్‌ పూర్తిగా కాలిపోయింది. దీంతో విద్యుత్తు సరఫరాకు అంతరాయం కలగడంతో ప్రజలు తీవ్ర ఇక్కట్లు ఎదుర్కొన్నారు.  శనివారం ఒంగోలు నుంచి వచ్చిన ప్రత్యేక సిబ్బంది మరమ్మతులు చేసేందుకు పనులు మొదలు పెట్టడంతో వర్షం కురిసింది. ఓపక్క వర్షం మరో పక్క ఉడత విద్యుత్తు సిబ్బందికి కంటిమీద కునుకు లేకుండా చేసింది.