98.54 శాతం మందికి పింఛన్ల పంపిణీ

జిల్లాపరిషత్తు(గుంటూరు), న్యూస్‌టుడే: జిల్లాలో వైఎస్‌ఆర్‌ పింఛన్‌ కానుక పథకం లబ్ధిదారుల్లో 98.54 శాతం మంది పింఛన్‌ సొమ్ము అందుకున్నారు. ఈనెల 1 నుంచి 4వ తేదీ వరకు గ్రామ, వార్డు వాలంటీర్లు, సచివాలయాల సిబ్బంది పింఛన్ల పంపిణీ కార్యక్రమాన్ని నిర్వహించారు. గుంటూరు జిల్లాలో మొత్తం 2,34,573 మంది లబ్ధిదారులకు రూ.59.64 కోట్లను ప్రభుత్వం విడుదల చేసింది. మంగళవారం వరకు 2,31,155 మందికి రూ.58.75 కోట్లను అందజేశారు. పల్నాడు జిల్లాలో 2,65,465 మంది లబ్ధిదారులకు రూ.67.87 కోట్లను ప్రభుత్వం విడుదల చేయగా.. 2,61,729 మందికి రూ.66.91 కోట్లను పంపిణీ చేశారు. 98.59 శాతం మందికి పింఛన్లు అందాయి.