రుణాల మాయాజాలంపై ‘నాటిక’ శస్త్రం.. దారుణం

‘దారుణం’ నాటికలోని ఓ సన్నివేశం

తెనాలి(కొత్తపేట): కళల కాణాచి, వేదగంగోత్రి ఫౌండేషన్‌ సంయుక్త ఆధ్వర్యంలో జాతీయస్థాయి ద్వితీయ సాంఘిక నాటికల పోటీలను మంగళవారం రాత్రి తెనాలి రామకృష్ణకవి కళాక్షేత్రంలో నిర్వహించారు. హైదరాబాద్‌ భవతి వారు రచయిత పరమాత్ముని శివరామ్‌ రచించి, దర్శకత్వం వహించిన ‘దారుణం’ నాటికను అద్భుతంగా ప్రదర్శించారు. యువత రుణయాప్‌లు, సైబర్‌ నేరగాళ్ల మాయలో చిక్కుకుని, వివిధ రకాల రుణాలు తీసుకొని చెల్లించలేక సతమతమవుతూ బలవన్మరణాలకు పాల్పడతున్నారని, జీవితం ఎంతో గొప్పదని, ప్రాణాలు తీసుకోవద్దనే సందేశాన్ని చాటి చెప్పారు. అలాగే ప్రత్యేక ప్రదర్శనగా విజయవాడ ‘న్యూ స్టార్‌ మోడరన్‌ థియేటర్‌ ఆర్ట్స్‌’ వారు ‘పిపీలకం’ నాటికను చక్కగా ప్రదర్శించారు.