జిల్లా ఆస్పత్రిలో రోగికి అరుదైన శస్త్రచికిత్స

శస్త్రచికిత్స చేసిన డాక్టర్‌ రాకేష్‌.  పక్కన వైద్యురాలు మజీదాబీ

తెనాలి (కొత్తపేట), న్యూస్‌టుడే: జిల్లా ఆసుపత్రి ఆర్థోపెడిక్‌ విభాగ వైద్యుడు రాకేష్‌ గూడ ఎముక విరిగిన రోగికి అరుదైన శస్త్రచికిత్స చేశారు. అనంతరం ఆ రోగి కోలుకున్నారు. డాక్టర్‌ రాకేష్‌ గురువారం ఆస్పత్రిలో తెలిపిన వివరాలు ఇలా ఉన్నాయి.. ఓ ప్రమాదంలో భుజంలోని గూడ ఎముక విరిగిన ఇస్రాయిల్‌ అనే వ్యక్తి చికిత్స కోసం జిల్లా ఆసుపత్రిలో చేరారు. అతన్ని పరీక్షించిన వైద్యులు శస్త్రచికిత్స చేయాలని నిర్ణయించారు. సాధారణంగా రోగికి పెద్దమొత్తంలో మత్తు మందు ఇచ్చి ఈ శస్త్రచికిత్స చేయాల్సి ఉంది. అయితే అందుకు అతని శరీరం సహకరించనందున తాము ఎముక విరిగిన భుజం ప్రాంతం వరకే మత్తు ఇచ్చి, శస్త్రచికిత్సను విజయవంతంగా పూర్తిచేసినట్టు డాక్టర్‌ రాకేష్‌ తెలిపారు. ఈ బృందంలో డాక్టర్‌ పి.వెంకటేశ్వరరావు, మత్తు వైద్య నిపుణురాలు డాక్టర్‌ మజీదాబీ తదితరులున్నారు.