హకీంజానీకి ‘ఇండియన్‌ బుక్‌ ఆఫ్‌ రికార్డ్సు’లో చోటు

ధ్రువపత్రాన్ని జానీకి అందించిన దర్శకుడు వినాయక్‌, హాస్యనటుడు రఘుబాబు. పక్కన సినీ మాటల రచయిత సాయిమాధవ్‌, వరప్రసాద్‌

తెనాలి(కొత్తపేట), న్యూస్‌టుడే: బాలసాహితీ వేత్త షేక్‌ అబ్దుల్‌ హకీంజానీ ‘ఇండియన్‌ బుక్‌ ఆఫ్‌ రికార్డ్సు’కు ఎంపికయ్యారు. ఈయన తెలుగు దిన, వారపత్రికల ఆదివారం అనుబంధాలకు అనేక వాస్యాలు రాశారు. అందులో 1,400కు పైగా ప్రచురితమయ్యాయి. ఈ అరుదైన ఘనత సాధించినందుకుగాను ఈయనకు ‘ఇండియన్‌ బుక్‌ ఆఫ్‌ రికార్డ్స్‌’లో చోటు దక్కింది. ఈ విషయాన్ని దాని వ్యవస్థాపక సంపాదకుడు డాక్టర్‌ కె.వివేకానందబాబు ఈనెల 4న జానీకి తెలియజేశారు. సంబంధిత ధ్రువపత్రాన్ని కూడా పంపించారు. దాన్ని ప్రసిద్ధ సినీ దర్శకుడు వి.వి.వినాయక్‌, హాస్యనటుడు రఘుబాబులు అదే రోజు తెనాలి రామకృష్ణ కవి కళాక్షేత్రంలో జానీకి అందజేశారు. ఇప్పటికే ఆయన వండర్‌, తెలుగు బుక్‌ ఆఫర్‌ రికార్డ్సు, ఏషియన్‌ వరల్డ్‌ రికార్డ్సుకు ఎంపికయ్యారు. అంతేకాదు.. ఆయన రాసిన కథలు మహారాష్ట్ర ప్రభుత్వం ప్రచురించిన పదుకొండు, పన్నెండో తరగతుల తెలుగు పాఠ్య పుస్తకాల్లో ముద్రితమయ్యాయి. ఈ వివరాలను జానీ గురువారం తెనాలిలో తెలిపారు.