చిత్ర వార్తలు

తరగతి

తరగతి గదిలోకి చేరిన వర్షపు నీరు

ఇటీవల కురుస్తున్న వర్షాలకు పలుచోట్ల పాఠశాలల్లోకి నీరు చేరి విద్యార్థులు అవస్థలు పడుతున్నారు. రేపల్లె పట్టణం 24వ వార్డులోని ఎన్టీఆర్‌ ప్రాథమిక పాఠశాల ఒకటి నుంచి ఐదు తరగతులు కొనసాగుతున్నాయి. 50 మంది విద్యార్థులు చదువుతున్నారు. వర్షాలకు పాఠశాల తరగతి గదుల్లోకి నీరు చేరడంతో పక్కనే ఉన్న ఆలయ ప్రాంగణంలో పిల్లలను కూర్చోబెట్టి ఉపాధ్యాయులు బోధన చేపట్టారు. అక్కడే మధ్యాహ్న భోజనం ఏర్పాటు చేయించారు. భారీ వర్షం కురిసిన ప్రతిసారీ ఇదే సమస్య ఎదురవుతోందని విద్యార్థుల తల్లిదండ్రులు, ఉపాధ్యాయులు ఆవేదన వ్యక్తం చేస్తున్నారు. మరుగుదొడ్లు, తాగునీటి సదుపాయం కొరవడింది. 2019లో పాఠశాలలో చేపట్టిన అదనపు తరగతి గదుల నిర్మాణ పనులు ఇప్పటికీ పూర్తికాకపోవడంతో అవస్థలు తప్పడం లేదని విద్యార్థులు వాపోతున్నారు. - న్యూస్‌టుడే, రేపల్లె అర్బన్‌

గుడి ఆవరణలో విద్య అభ్యసిస్తున్న విద్యార్థులు

ఆస్పత్రికి సుస్తీ

వైద్యులు పరీక్షించే గది దారుణంగా...

పెదనందిపాడు ప్రాథమిక ఆరోగ్యకేంద్రం భవనం ఘోరంగా ఉంది. వైద్యుల గదులు, ల్యాబ్‌, ఓపీ కేంద్రం ఇలా అన్ని విభాగాల్లో పెచ్చులూడి ప్రమాదకరంగా మారింది. వర్షం వస్తే పరిస్థితి మరింత ఇబ్బందికరంగా మారుతోంది. పదేళ్లుగా అధికారులు, ప్రజాప్రతినిధులు పరిశీలించినా స్థితి మారడం లేదు. జబ్బుతో వచ్చే రోగులు ఆస్పత్రిని చూసి బెంబేలెత్తుతున్నారు. - పెదనందిపాడు (ఈనాడు-గుంటూరు)

శిథిఫలావస్థకు చేరిన ల్యాబ్‌

స్కాన్‌ చేసి తెలుసుకో