తెదేపా హయాంలోనే మాదిగల అభ్యున్నతి: వర్ల

మాట్లాడుతున్న వర్ల రామయ్య, పక్కన మాజీ ఎమ్మెల్యే స్వామిదాసు, శోభారాణి, మాణిక్యరావు, శిరీష

మంగళగిరి, న్యూస్‌టుడే:  తెలుగుదేశం ప్రభుత్వంతోనే మాదిగల అభ్యున్నతి సాధ్యమని ఆ పార్టీ పొలిట్‌బ్యూరో సభ్యుడు వర్ల రామయ్య అన్నారు. తాడేపల్లి పరిధిలోని వడ్డేశ్వరంలో మాదిగల ఆత్మీయ సమావేశం శనివారం నిర్వహించారు. ఈ సందర్భంగా వర్ల మాట్లాడుతూ  వెనుకబాటుతనం నుంచి బయటపడాలంటే యువత చదువుపై దృష్టి సారించాలని సూచించారు. రాష్ట్రంలో 82 శాతం దళితులపై కేసులు నమోదైతే అందులో 73 శాతం మాదిగలు ఉన్నారని పేర్కొన్నారు. మాజీ ఎమ్మెల్యే నల్లకట్ల స్వామిదాసు, న్యాయవాది శోభారాణి, మాణిక్యరావు, కంభంపాటి శిరీష, సాంబశివరావు, ఈపూరి కోటయ్య తదితరులు పాల్గొన్నారు.