ఇళ్లు నిర్మించుకుని... వెర్రివాళ్లమయ్యాం

డీపీవోను ప్రశ్నించిన ఓ మహిళ

డీపీవో కేశవరెడ్డిని ప్రశ్నిస్తున్న ఓ మహిళా లబ్ధిదారు

తుమ్మలపాలెం(ప్రత్తిపాడు), న్యూస్‌టుడే: జగనన్న కాలనీలో ఇళ్లు నిర్మించుకుని వెర్రివాళ్లమయ్యామని, సౌకర్యాలు ఎప్పుడు కల్పిస్తారని జిల్లా పంచాయతీ అధికారి కేశవరెడ్డిని ఓ మహిళ ప్రశ్నించింది. గృహ నిర్మాణ లబ్ధిదారులతో శనివారం డీపీవో సమావేశం నిర్వహించారు. జగనన్న కాలనీలో 18 మంది ఉంటున్నామని, వీధి దీపాలు లేవని, పైపులైను దెబ్బతిని తాగునీటికి ఇబ్బంది పడుతున్నామంటూ వాపోయింది. సదుపాయాలు లేకుండా నిర్మించుకుని వెర్రివాళ్లమయ్యామని ఆవేదన వ్యక్తం చేసింది. వీధి లైటు వేయాలని అడిగితే రూ.100లతో బల్బు ఏర్పాటు చేసుకోలేవా..అంటూ పంచాయతీ రాజ్‌ ఏఈ హేళన చేశారని ఆగ్రహం వ్యక్తం చేసింది.