ఈ విహారం.. ఎంతో ప్రమాదకరం

కృష్ణా నదిలో పర్యాటకులతో తిరుగుతున్న చేపల పడవలు  

మాచర్ల, న్యూస్‌టుడే: నాగార్జునసాగర్‌ జలాశయంలో చేపలు వేటాడే పడవలను జల విహారానికి వినియోగించడం ఆందోళన కలిగిస్తోంది. సాగర్‌ సమీపంలోని అనుపు వద్ద బహిరంగంగానే దూర ప్రాంతాల నుంచి వచ్చే పర్యాటకులను మత్స్యకారులు తమ పడవుల్లో ఎక్కించుకొంటున్నారు. నదిలో కొంత దూరం మేర విహరించేందుకు మనిషికి రూ.100 చొప్పున వసూలు చేస్తున్నారు. పడవలో చేపలు నిల్వ చేసే ప్రదేశంలో పిల్లలను కూర్చోబెడుతున్నారు. ఏమాత్రం భద్రత లేని పడవలను వినియోగించడం ఆందోళన కలిగిస్తుంది. తక్షణం అధికారులు మేల్కొని ప్రమాదకర పడవ ప్రయాణానికి అడ్డుకట్ట వేయాల్సి ఉంది.