విధుల్లో నిర్లక్ష్యం... ఉపాధ్యాయినుల సస్పెన్షన్‌

వెంగళాయపాలెం పాఠశాలలో తనిఖీలు చేస్తున్న డీఈవో శైలజ

గుంటూరు విద్య, న్యూస్‌టుడే: విధుల్లో నిర్లక్ష్యం వహించిన ఇద్దరు ఉపాధ్యాయినులను సస్పెండ్‌ చేస్తూ శనివారం జిల్లా విద్యాశాఖాధికారి పి.శైలజ ఆదేశాలిచ్చారు. గుంటూరు రూరల్‌ మండలం వెంగళాయపాలెంలోని జడ్పీ ఉన్నత పాఠశాల, అదే ప్రాంగణంలోని ప్రాథమిక పాఠశాలను ఆమె శనివారం తనిఖీ చేశారు. పదోతరగతి విద్యార్థులకు అందిస్తున్న శిక్షణ గురించి పరిశీలించి ఉపాధ్యాయులకు సూచనలు చేశారు. ప్రాథమిక పాఠశాలలో విద్యార్థుల వర్క్‌బుక్స్‌ను దిద్దకపోవడం గమనించారు. విధుల్లో నిర్లక్ష్యం వహించిన ఉపాధ్యాయినులు జి.పద్మావతి, షేక్‌ పర్వీన్‌లను సస్పెండ్‌ చేస్తున్నట్లు తెలిపారు.