అద్దంకిలో పెట్రోలు బంకుల తనిఖీ

శింగరకొండ రోడ్డులోని బంకులో తనిఖీ చేస్తున్న జిల్లా తూనికలు కొలతల విభాగం అధికారిణి లిల్లీ

అద్దంకి, న్యూస్‌టుడే : పెట్రోలు బంకుల్లో జరుగుతున్న లావాదేవీలను జిల్లా తూనికలు, కొలతల శాఖ సహాయ నియంత్రణాధికారి పి.లిల్లీ శుక్రవారం తనిఖీ చేశారు. పట్టణ శివారులోని మూడు పెట్రోలు బంకుల్ని తనిఖీ చేసిన ఆమె ఏడాదికొకసారి వేయాల్సిన సీళ్లు పరిశీలించారు. పెట్రోలియం శాఖ నిర్దేశించిన విధంగా నాణ్యతా ప్రమాణాలపై ఆరా తీశారు. రాష్ట్రంలోని అన్ని పెట్రోలు బంకులను సంవత్సరానికి ఒక పర్యాయం తనిఖీ చేస్తామని, అందులో భాగంగానే అద్దంకిలో తనిఖీ చేసినట్లు ఆమె వెల్లడించారు.