కాపరికి మత్తు మందిచ్చి.. మేకలను అపహరించి..

కొల్లిపర, న్యూస్‌టుడే: కృష్ణానది పరివాహక ప్రాంతంలో పశువుల కాపరిపై దాడిచేసి, నలభై మేకలను అపహరించిన సంఘటన కొల్లిపర మండల పరిధిలో చోటు చేసుకుంది. పోలీసుల కథనం మేరకు మున్నంగి గ్రామానికి చెందిన పశవులకాపరి కృష్ణారావుపై 4గురు వ్యక్తలు దాడికి పాల్డడ్డారని, బాధితునికి మత్తు ఇంజక్షన్‌ చేసి రూ.2 లక్షల విలువైన మేకలు తరలించుకెళ్లారు. చీకటి పడుతున్నా కృష్ణారావు ఎంతకీ ఇంటికి రాలేదు. దీంతో  కుటుంబ సభ్యులు ఆచూకీ కోసం వెతుకులాడారు. చేతులుకట్టి, స్పృహలోలేని అతన్ని   గుర్తించిన కుటుంబ సభ్యులు పోలీసులకు సమాచారం అందించారు. ఘటన స్థలానికి చేరుకుని సరిహద్దుపై ఉన్న అనుమానాన్ని నివృత్తి చేసుకున్న పోలీసులు బాధితుని ఫిర్యాదు మేరకు రాత్రి కేసు నమోదు చేశామని కొల్లిపర ఎసై రవీంద్రారెడ్డి వెల్లడించారు.