ఇది మినీ వ్యానా.. బస్సా!

వాడరేవు-పిడుగురాళ్ల రహదారిలో కిక్కిరిసిన ప్రయాణికులతో వాహనం

పర్చూరు, న్యూస్‌టుడే: పరిమితికి మించి ప్రయాణికులతో వాహనాలు పరుగెడుతున్నాయి. ఏమాత్రం వాహనం అదుపు తప్పినా పెద్ద ఎత్తున ప్రాణాలు కోల్పోయే ప్రమాదం పొంచి ఉన్నా పట్టించుకునే వారు కరవయ్యారు. వాడరేవు-పిడుగురాళ్ల రహదారిలో మినీ వ్యానులో ఎక్కిన ప్రయాణికులను గమనిస్తే ‘ఇంత మంది ఎలా సాధ్యం’ అనే అనుమానం కలగకమానదు. ప్రధాన రహదారిలో పెద్ద సంఖ్యలో పరిమితికి మించి ప్రయాణికులతో వాహనాలు వెళుతున్నా అధికారుల తనిఖీలు ఎలా ఉన్నాయో అర్థం చేసుకోవచ్చు. ప్రమాదాలు జరిగిన తర్వాత హడావుడి చేసే బదులు ముందస్తు జాగ్రత్తలు తీసుకుంటే మంచిదనే అభిప్రాయం ప్రజలు వ్యక్తం చేస్తున్నారు.