ఏఎన్‌యూతో ఏపీ ప్రెస్‌ అకాడమీ ఒప్పందం

ఏఎన్‌యూ, న్యూస్‌టుడే : ఏపీ ప్రెస్‌ అకాడమీ ఆధ్వర్యంలో డిప్లొమా కోర్సులు నిర్వహించేందుకు అన్ని ఏర్పాట్లు చేస్తున్నామని ఛైర్మన్‌ కొమ్మినేని శ్రీనివాసరావు చెప్పారు. సోమవారం ఆచార్య నాగార్జున విశ్వవిద్యాలయంలో పర్యటించిన ఆయన.. జర్నలిజం విభాగాన్ని సందర్శించారు. పాత్రికేయ రంగంపై ఆసక్తి ఉన్న విద్యార్థుల కోసం డిప్లొమా కోర్సుల నిర్వహణకు ఏఎన్‌యూతో అవగాహన ఒప్పందం చేసుకున్నారు. ఒప్పంద పత్రాలపై రిజిస్ట్రార్‌ కరుణ, ప్రెస్‌ అకాడమీ కార్యదర్శి బాల గంగాధర్‌ తిలక్‌ సంతకాలు చేశారు. కోర్సు, తరగతులు, ప్రవేశాలు ప్రెస్‌ అకాడమీ, పరీక్షల నిర్వహణ ఏఎన్‌యూ చేపట్టనున్నాయి. జర్నలిజం విభాగాధిపతి డాక్టర్‌ అనిత, డాక్టర్‌ మధుబాబు, డాక్టర్‌ మాణిక్యరావు, ఆచార్యులు శ్రీనివాసరెడ్డి, ఆచార్య చెన్నారెడ్డి, ఆచార్య ఉదయ్‌కుమార్‌, సీడీఈ సంచాలకులు డాక్టర్‌ నాగరాజు, డాక్టర్‌ భవనం నాగకిషోర్‌ తదితరులు పాల్గొన్నారు.