తెదేపాకు పూర్వవైభవంతోనే ఎన్టీఆర్‌కు నిజమైన నివాళి

జాతీయ పశుబల ప్రదర్శన పోటీల వేదికపై కేకు కోస్తున్న వట్టికుంట శేషగిరిరావు, వెన్నా సాంబశివారెడ్డి తదితరులు

వేల్పూరు (అచ్చంపేట), న్యూస్‌టుడే: తెదేపాకు పూర్వవైభవంతోనే ఎన్టీఆర్‌కు నిజమైన నివాళి అని తెదేపా రాష్ట్ర కార్యనిర్వాహక కార్యదర్శి వెన్నా సాంబశివారెడ్డి అన్నారు. బుధవారం రాత్రి ఆయన మండలంలోని వేల్పూరులో వట్టికుంట ఛారిటబుల్‌ట్రస్టు ఆధ్వర్యంలో నిర్వహిస్తున్న జాతీయస్థాయి పశుబల ప్రదర్శన పోటీల వేదికపై జరిగిన తెదేపా ఆవిర్భావ దిన వేడుకల్లో ముఖ్యఅతిథిగా పాల్గొన్నారు. ట్రస్టు ఛైర్మన్‌ వట్టికుంట శేషగిరిరావు, నాయకులు ఎన్టీఆర్‌ విగ్రహానికి పూలమాలలు వేసి ఘనంగా నివాళులర్పించారు. కేకు కోశారు. సీనియర్‌ నాయకులను సత్కరించారు. ఎన్టీఆర్‌ జయంతి సందర్భంగా జాతీయ స్థాయి పశుబల ప్రదర్శన పోటీలు నిర్వహించడం ఆనందదాయకంగా ఉందన్నారు.