‘అర్హుల ఓట్లు తొలగిస్తే ప్రతిఘటన తప్పదు’

తహసీల్దార్‌కు వినతిపత్రం ఇస్తున్న తెదేపా నేతలు

నూజండ్ల, న్యూస్‌టుడే: గ్రామాల్లో అర్హుల ఓట్లు తొలగించడానికి వైకాపా నేతలు ప్రయత్నాలు చేస్తున్నారు. అందుకు బీఎల్‌వోలు సహకారం అందిస్తున్నారని వారిపై చర్యలు తీసుకోకపోతే ప్రతిఘటన తప్పదని తెదేపా నేతలు తహసీల్దార్‌ మధుబాబుకు విన్నవించారు. పమిడిపాడులో 36మంది అర్హుల ఓట్లు తొలగించడానికి ఫామ్‌-7 సమర్పించారని ఆయన దృష్టికి తీసుకొచ్చారు. అనర్హుల ఓట్లు తొలగిస్తే తమకేమీ అభ్యంతరం లేదన్నారు. పరిశీలించి న్యాయం చేయాలని కోరుతూ వినతిపత్రం అందజేశారు. కార్యక్రమంలో డీఎల్‌డీఏ ఛైర్మన్‌ లగడపాటి వెంకట్రావు, నేతలు బచ్చు అంజిరెడ్డి, సోమెపల్లి బ్రహ్మయ్య, చౌదరి, వంకాయలపాటి పేరయ్య, వెంకట్రావు, రొడ్డా వీరాంజనేయరెడ్డి, బత్తుల సుబ్బారావు, గంగినేని హనుమంతరావు తదితరులున్నారు.