ప్రైవేటు ఎలక్ట్రీషియన్‌ ఆత్మహత్య

కాకర్ల జయకృష్ణ (పాతచిత్రం)

ప్రత్తిపాడు, న్యూస్‌టుడే: ప్రైవేటు ఎలక్ట్రీషియన్‌గా పనిచేస్తున్న యువకుడు ఆత్మహత్య చేసుకున్న ఘటన ప్రత్తిపాడులో చోటుచేసుకుంది. పోలీసుల వివరాల మేరకు... గ్రామానికి చెందిన కాకర్ల జయకృష్ణ (23) గతంలో సొంతంగా వ్యవసాయం చేశారు. ఆ సమయంలో అప్పులపాలయ్యారు. ప్రస్తుతం ఎలక్ట్రీషియన్‌గా పని చేస్తున్నా.. అప్పులు తీర్చలేక బాధ పడుతున్నారు. బుధవారం రాత్రి  అందరూ నిద్రిస్తుండగా.. ఇంట్లో ఉరి వేసుకుని ఆత్మహత్య చేసుకున్నారు. కొంత సమయం తర్వాత భార్య కోటేశ్వరమ్మ గమనించి కుటుంబ సభ్యులకు సమాచారం ఇచ్చింది. వెంటనే అతనిని కిందకు దించి చూడగా అప్పటికే మృతి చెందారు. మృతుడి తల్లి వెంకటరత్నం ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై రవీంద్రబాబు చెప్పారు. జయకృష్ణకు ఏడాది కిందట కోటేశ్వరమ్మతో వివాహమైంది.