నిజమైన లబ్ధిదారులకు సహకరించండి

మాట్లాడుతున్న డీఆర్వో వినాయకం

నరసరావుపేట అర్బన్‌: జిల్లాలో పరిశ్రమలు ఏర్పాటు చేయాలనుకున్న నిజమైన లబ్ధిదారులకు ఆర్థిక సహకారం అందించాలని డీఆర్వో వినాయకం అన్నారు. కలెక్టరేట్‌లో శనివారం జిల్లా పరిశ్రమల ఎగుమతుల ప్రోత్సాహక కమిటీ సమావేశం నిర్వహించారు. డీఆర్వో మాట్లాడుతూ పారిశ్రామిక విధానం 2020-23ను సక్రమంగా అమలు చేయడంతో పాటు నూతన విధానంపై అవగాహన కల్పించాలన్నారు. జిల్లాలో ఉపాధి అవకాశాలు పెంచేందుకు పారిశ్రామికాభివృద్ధి చెందాలన్నారు. నూతన పారిశ్రామిక విధానం అమలు, జిల్లాలో పారిశ్రామిక పార్కుల్లో ప్లాట్ల కేటాయింపు, క్లస్టర్‌ డెవలప్‌మెంట్‌, ప్రధానమంత్రి ఉపాధికల్పన కార్యక్రమం తదితర అంశాలపై చర్చించారు. పరిశ్రమలశాఖ మేనేజర్‌ వెంకటేశ్వరరావు, డీఐసీ అధికారులు పాల్గొన్నారు.