చిత్రం కదిలించింది.. తారు పడింది!

రోడ్డుపై ఉన్న కారును తరలిస్తున్న ట్రాఫిక్‌ సిబ్బంది

మల్కాజిగిరి, న్యూస్‌టుడే: మల్కాజిగిరి ఆనంద్‌బాగ్‌ నుంచి జడ్‌టీఎస్‌ ట్రైనింగ్‌ సెంటర్‌ వరకు 4 రోజుల కిందట రోడ్డు వేశారు. ఆ సమయంలో రోడ్డు అంచుల్లో నిలిపిన వాహనాలు తొలగించకుండా, వాటి కింద రోడ్డుపై తారు వేయకుండా వదిలేశారు. గుత్తేదారు, అధికారుల నిర్లక్ష్యాన్ని ఎత్తిచూపుతూ ఆదివారం ‘ఈనాడు’లో ‘వీరిని ఎవరడుగుతారు?’ శీర్షికన చిత్ర కథనం ప్రచురితమైంది. స్పందించిన అధికారులు ఆ మార్గంలో నిలిపిన రెండు వాహనాలను తొలగించి, తారు వేయించారు.