ఎనిమిదో దశహరితహారానికి ఏర్పాట్లు

ఈనాడు, హైదరాబాద్‌: హరితహారం 8వ దశలో భాగంగా 1.20 కోట్ల మొక్కలు నాటాలని లక్ష్యంగా పెట్టుకున్న జీహెచ్‌ఎంసీ ఆ మేరకు ఏర్పాట్లు ప్రారంభించింది. నగరవ్యాప్తంగా ఉన్న 600 నర్సరీల్లో మొక్కల పెంపకాన్ని వేగవంతం చేసింది. మొక్కలను పెద్ద సంచుల్లోకి మార్చి.. రాబోయే వర్షాకాలం నాటికి మూడు అడుగులకుపైగా ఎత్తు పెంచుతామని చెబుతోంది. ఏపుగా పెరిగే చెట్లను రోడ్లకు ఇరువైపులా, ఖాళీ స్థలాల్లో, పార్కులు, శ్మశానవాటికలు, చెరువు గట్లపై నాటిస్తామంటోంది. ఇళ్లలో పెంచుకునేందుకు అనుకూలంగా ఉండే సుమారు 20 జాతుల మొక్కలను నర్సరీల్లో పెంచుతున్నట్లు తెలిపింది. ఈ సంవత్సరం ఇప్పటికే 1.17 కోట్ల మొక్కలు నాటామని పేర్కొంది.