అక్రమంగా ఉంటున్న ఏడుగురు విదేశీయుల గుర్తింపు

రాజేంద్రనగర్‌, న్యూస్‌టుడే: వీసా గడువు ముగిసినా అక్రమంగా ఇక్కడే ఉన్న ఏడుగురు విదేశీయులను గుర్తించినట్లు శంషాబాద్‌ డీసీపీ ప్రకాష్‌రెడ్డి పేర్కొన్నారు. గురువారం తెల్లవారుజామున రాజేంద్రనగర్‌ ఠాణా పరిధిలోని పీఎన్‌టీ కాలనీలో డీసీపీ నేతృత్వంలో పోలీసులు నిర్భంద తనిఖీ నిర్వహించారు. వివిధ దేశాల నుంచి వచ్చి ఇక్కడ నివసిస్తున్న వారి వివరాలు సేకరించారు. 25మంది అనుమానితులను అదుపులోకి తీసుకున్నారు. ఏడుగురు వీసా గడువు ముగిసినా ఇక్కడే నివసిస్తున్నట్లు గుర్తించారు. కాంగో, నైజీరియా, ఉగాండ, సుడాన్‌ దేశీయులని డీసీపీ తెలిపారు. ఎఫ్‌ఆర్‌ఆర్‌వో(ఫారనర్స్‌ రీజినల్‌ రిజిస్ట్రేషన్‌ ఆఫీసర్‌)కు అప్పజెప్పినట్లు సీఐ కనకయ్య తెలిపారు.