logo
Published : 04/12/2021 01:28 IST

TS News: ఉప్పల్‌ భగాయత్‌లో ప్లాట్ల వేలం ద్వారా హెచ్‌ఎండీఏకు రూ.474 కోట్ల ఆదాయం

హైదరాబాద్‌: ఉప్పల్‌ భగాయత్‌లో మూడో దశలో ప్లాట్ల వేలం ద్వారా హైదరాబాద్‌ మహా నగరాభివృద్ధి సంస్థ (హెచ్‌ఎండీఏ)కు రూ.474 కోట్ల ఆదాయం లభించింది. మొదటి రోజు గరిష్టంగా చదరపు గజం లక్ష రూపాయలకు పైగా పలికింది. రెండో రోజైన ఇవాళ జరిగిన వేలంలో గరిష్టంగా గజం రూ.72వేలు పలికింది. కనిష్టంగా రూ.36వేలు ధర పలికినట్టు అధికారులు తెలిపారు. 65,247 చదరపు గజాల విస్తీర్ణం కలిగిన 16 ప్లాట్ల వేలంతో ఇవాళ రూ.333 కోట్ల ఆదాయం వచ్చింది. మొదటి రోజు రూ.141. 61 కోట్ల ఆదాయం వచ్చింది. మొత్తంగా 84,966 చదరపు గజాల విస్తీర్ణం కలిగిన 39 ప్లాట్ల విక్రయంతో హెచ్ఎండీఏకు రూ.474.61 కోట్ల  ఆదాయం సమకూరింది. సగటున గజం రూ. 55,859 రూపాయలు పలికింది. 

తొలి రోజు ఇలా..

ఈ-వేలంలో అధికారుల అంచనాలను దాటేస్తూ మూసీ తీరాన ప్లాట్లు గతంకంటే భారీ స్థాయిలో ధరలు పలికాయి. రెండు ప్లాట్లు చదరపు గజానికి రూ.1.01 లక్షల రికార్డు ధర పలికాయి. ఒక ప్లాటును కనిష్ఠంగా రూ.53 వేలకు పాడారు. చదరపు గజానికి రూ.35 వేల నిర్ధారిత ధర ఉండగా.. ఉదయం సెషన్లో ఓ ప్లాట్‌ అత్యధికంగా చదరపు గజానికి రూ.77 వేలు, రెండో సెషన్‌లో రెండు ప్లాట్లు ఏకంగా రూ.1.01 లక్షల ధరలు పలికాయి. సగటున గజానికి రూ.71,815 ధర వచ్చింది. మూడో దశలో మొత్తం 44 ప్లాట్లలో తొలిరోజు 23 ప్లాట్లకు వేలం జరిగింది.  జరిగిన ఈ ప్రక్రియలో..  ప్రవాసీయులతో పాటు స్థానిక రియల్టర్లు నువ్వా నేనా అన్నట్లుగా ధరలు పెంచుకుంటూ పోయారు. తొలిరోజు 19 వేల చదరపు గజాల వేలంలో రూ.141.61 కోట్ల ఆదాయం లభించింది.

Read latest Hyderabad News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని