ప్రమాదవశాత్తు బావిలోపడి కూలీ మృతి

మునిపల్లి: ప్రమాదవశాత్తు కాలుజారి బావిలోపడి ఓ వ్యక్తి మృతిచెందిన ఘటన మండల పరిధిలోని ఖమ్మంపల్లిలో చోటుచేసుకుంది. ఎస్సై మహేశ్వర్‌రెడ్డి తెలిపిన వివరాల మేరకు.. గ్రామానికి చెందిన తుక్కయ్య(54) ఈనెల 5న కూలి పని నిమిత్తం ఇంటి వెళ్లి రాత్రయినా.. తిరిగి రాకపోవడంతో కుటుంబ సభ్యులు ఆందోళనకుగురై గ్రామంలో వెతికారు. సోమవారం గ్రామ శివారులోని బావిలో మృతదేహం తేలడంతో స్థానికులు గుర్తించి కుటుంబ సభ్యులకు సమాచారం ఇచ్చారు. తుక్కయ్య భార్య మల్లమ్మ బుధేరా పోలీస్టేషన్‌లో ఇచ్చిన ఫిర్యాదు మేరకు కేసు నమోదు చేసుకుని ఘటనా స్థలానికి వెళ్లి పరిశీలించారు.