నగరంలో నిషాదగీతం

ఈనాడు, హైదరాబాద్‌, న్యూస్‌టుడే, గచ్చిబౌలి: సరిగ్గా రెండు నెలల క్రితం మాదాపూర్‌ ఠాణా పరిధిలోని ఓ ట్రాఫిక్‌ కూడలి వద్ద ఆగి ఉన్న బైక్‌ను కారు వేగంగా ఢీకొట్టగా వెనుక కూర్చున్న సాఫ్ట్‌వేర్‌ ఇంజినీర్‌ మరియా డీక్రూజ్‌ అక్కడికక్కడే చనిపోయింది. మద్యం మత్తులో కారు నడుపుతున్న సృజన్‌ కుమార్‌ ఈ ప్రమాదం చేశాడని పోలీసులు గుర్తించి అతడిని అరెస్ట్‌ చేశారు.

పగలూరాత్రి తేడా లేకుండా చిత్తుగా మద్యం తాగుతున్న వాహనదారులు యమకింకరులుగా మారుతున్నారు. రాత్రివేళల్లో గమ్యస్థానాలను చేరుకుంటున్న వారిని, రహదారులను దాటుతున్న పాదచారులను ఢీకొట్టి ప్రాణాలు తీస్తున్నారు. మద్యం తాగి వాహనాలు నడుతుపున్న వారు టెర్రరిస్టులకంటే దారుణమంటూ కోర్టులు ఆగ్రహం వ్యక్తం చేస్తున్నా.. శిక్షలు విధిస్తున్నా... డ్రైవింగ్‌ లైసెన్సులు రద్దు చేస్తున్నా.. ప్రమాదాల పరంపర ఆగడం లేదు.