10న ‘మ్యాట్రిక్స్‌ ఫైట్‌ నైట్‌’ పోటీలు

వివరాలు వెల్లడిస్తున్న ఆయేషాష్రాఫ్‌, కృష్ణష్రాఫ్‌

చార్మినార్‌, న్యూస్‌టుడే: తాజ్‌ ఫలక్‌నుమా ప్యాలెస్‌లో ఈ నెల 10న ఆల్‌ ఇండియా మిక్స్‌డ్‌ మార్షల్‌ ఆర్ట్స్‌ అసోసియేషన్‌ ఆధ్వర్యంలో ‘మ్యాట్రిక్స్‌ ఫైట్‌ నైట్‌’ జరుగనున్నట్లు బాలీవుడ్‌ నటుడు జాకీష్రాఫ్‌ భార్య ఆయేషాష్రాఫ్‌, కుమార్తె కృష్ణష్రాఫ్‌ వెల్లడించారు. మంగళవారం మీడియాతో మాట్లాడుతూ.. తెలంగాణలో తొలిసారిగా ఈ పోటీలు  నిర్వహిస్తున్నామన్నారు. ఇండియాతో పాటు విదేశాల నుంచి 18 మంది యువతి, యువకులు పాల్గొంటారన్నారు. అనంతరం వీరు గుర్రపు బగ్గీపై ప్రయాణిస్తూ ప్యాలెస్‌ అందాలను వీక్షించారు.