బీసీ కుల గణనపై అఖిలపక్ష సమావేశం దిల్లీలో 10న

సమావేశంలో అంజి, లాల్‌కృష్ణ, గుజ్జ సత్యం, గుజ్జ కృష్ణ, వేణుమాధవ్‌

కాచిగూడ, న్యూస్‌టుడే: బీసీ కుల గణన చేపట్టాలనే డిమాండ్‌పై ఈ నెల 10న దిల్లీలోని తెలంగాణ భవన్‌లో బీసీ సంక్షేమ సంఘం జాతీయ అధ్యక్షుడు ఆర్‌.కృష్ణయ్య అధ్యక్షతన రాజకీయ పార్టీల నేతలు, ప్రతినిధులతో  అఖిలపక్ష సమావేశం నిర్వహించనున్నట్లు బీసీ సంక్షేమ సంఘం జాతీయ కన్వీనర్‌ గుజ్జ కృష్ణ, ఉపాధ్యక్షుడు గుజ్జ సత్యం తెలిపారు. మంగళవారం కాచిగూడలో జరిగిన సమావేశంలో వారు మాట్లాడారు. కేంద్ర ప్రభుత్వం కుల గణన వ్యతిరేక వైఖరితో ఉండడం బీసీలపై వివక్షేనని స్పష్టం చేశారు. బీసీ సంక్షేమ సంఘం అధికార ప్రతినిధి కర్రి వేణుమాధవ్‌, రాష్ట్ర కార్యనిర్వాహక అధ్యక్షుడు లాల్‌కృష్ణ, బీసీ విద్యార్థి సంఘం రాష్ట్ర అధ్యక్షుడు అంజి పాల్గొన్నారు.