logo
Published : 09/12/2021 02:29 IST

ఇక శివారుకూ ప్రగతి దారులు!

ఈనాడు, హైదరాబాద్‌

బాహ్య వలయ రహదారి(ఓఆర్‌ఆర్‌) వరకు రహదారులను విస్తరించాలి. జీహెచ్‌ఎంసీ, శివారు మున్సిపాలిటీలు, కార్పొరేషన్లనే వ్యత్యాసం వద్దు. ఒక ప్రాంతం నుంచి ఇంకో ప్రాంతానికి చేరుకునేందుకు విశాలమైన రోడ్లుండాలి, దాన్ని దృష్టిలో ఉంచుకుని జీహెచ్‌ఎంసీ వెలుపల లింకు రోడ్ల నిర్మాణం చేపట్టాలని రాష్ట్ర పురపాలక శాఖ మంత్రి కేటీఆర్‌ ఇంజినీర్లను ఆదేశించారు. జీహెచ్‌ఎంసీ చుట్టూ ఉన్న మున్సిపాలిటీలు, కార్పొరేషన్లతో సమన్వయం చేసుకుంటూ.. రెండు ప్రాంతాల మధ్య దూరాన్ని తగ్గించే ఇరుకైన రోడ్లను గుర్తించి, వాటి విస్తరణకు చర్యలు తీసుకోవాలని స్పష్టంచేశారు. ఈ పనులు హైదరాబాద్‌ రహదారుల అభివృద్ధి సంస్థ(హెచ్‌ఆర్‌డీసీఎల్‌) ఆధ్వర్యంలో జరగనున్నాయి.

జాబితా తీసుకుంటాం..
గ్రేటర్‌ హైదరాబాద్‌ 625 చ.కి.మీటర్ల విస్తీర్ణంలో కోటికిపైగా జనాభాతో ఉండగా, శివారు ప్రాంతాలతో మరో 2వేల చదరపు కిలోమీటర్ల వెలుపలి వరకు విస్తరించి ఉంది. నగరపాలక సంస్థలు, మున్సిపాలిటీలు, పంచాయతీల ఆధ్వర్యంలో ఆయా ప్రాంతాల్లో పాలన సాగుతోంది. నగరంలోనే ప్రణాళికా బద్ధమైన అభివృద్ధిలో భాగంగా కొంతకాలంగా సర్కారు వేర్వేరు కార్యక్రమాలు చేపడుతోంది. హెచ్‌ఆర్‌డీసీఎల్‌ను ఏర్పాటు చేసి లింకు రోడ్లను అభివృద్ధి చేస్తోంది. పై వంతెనలు, అండర్‌పాస్‌ల నిర్మాణానికి వ్యూహాత్మక రహదారుల అభివృద్ధి కార్యక్రమం(ఎస్సార్డీపీ), వ్యూహాత్మక నాలాల అభివృద్ధి కార్యక్రమం(ఎస్‌ఎన్‌డీపీ) వంటి వేదికల ద్వారా మౌలిక సౌకర్యాలను మెరుగుపరుస్తోంది. వీటిని శివారుకూ విస్తరించాలని మంత్రి కేటీఆర్‌ అధికారులను ఆదేశించారు. మున్సిపాలిటీలు, కార్పొరేషన్ల అధికారుల నుంచి అభివృద్ధి చేయాల్సిన లింకు రోడ్ల జాబితా తీసుకుంటామని, వాళ్లు భూసేకరణ పూర్తి చేస్తే నిర్మిస్తామని హెచ్‌ఆర్‌డీసీఎల్‌ ఇంజినీర్లు చెబుతున్నారు. నిధులను హెచ్‌ఎండీఏ ద్వారా సమకూర్చే అంశం మంత్రి పరిధిలో ఉందని ఓ ఉన్నతాధికారి ‘ఈనాడు’తో తెలిపారు.

నాలాల విస్తరణ తీరుపై ఆగ్రహం
ఎస్‌ఎన్‌డీపీ కింద చేపట్టిన నాలా విస్తరణ పనుల్లో జాప్యంపై మంత్రి కేటీఆర్‌ తాజాగా జరిగిన ఉన్నతాధికారుల సమావేశంలో తీవ్ర ఆగ్రహం వ్యక్తంచేశారు. సీనియర్‌ ఇంజినీర్లకు బాధ్యత అప్పగించినా పురోగతి కనిపించట్లేదని, రెండేళ్లుగా చోటు చేసుకున్న వరద విధ్వంసాన్ని మంత్రి గుర్తుచేశారు. టెండర్లు పూర్తయిన పనులను వెంటనే ప్రారంభించాలని ఆదేశించారు.

Read latest Hyderabad News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని