చెరువులోకి దిగి.. గల్లంతై..

గాలిస్తున్న మత్స్యకారులు

మాసాయిపేట (వెల్దుర్తి), న్యూస్‌టుడే: స్నానం చేయడానికి చెరువులో దిగిన ఓ యువకుడు చెరువులో మునిగి గల్లంతైన ఘటన వెల్దుర్తి ఠాణా పరిధి మాసాయిపేట మండలం అచ్చంపేట గ్రామంలో చోటుచేసుకుంది. స్థానిక ఎస్‌ఐ మహేందర్‌ తెలిపిన వివరాలు.. మాసాయిపేటకు చెందిన బొబ్బిల్ల సురేష్‌ ఇళ్లకు రంగులు వేసే పని చేసుకుంటూ జీవనం సాగిస్తున్నాడు. శుక్రవారం తన తోటి కార్మికులు గుండారం రమేష్‌, నర్సింలుతో కలిపి అచ్చంపేటకు  వచ్చారు. తిరిగి స్వగ్రామానికి వెళ్తున్న క్రమంలో అచ్చంపేట ఊర చెరువులో స్నానం చేయడానికి దిగాడు. ఈ క్రమంలో సురేష్‌ నీట మునిగిపోయాడు. మిగతా వారు ఎంత యత్నించినా ఫలితం లేకపోయింది. దీంతో సురేష్‌ కుటుంబ సభ్యులకు, గ్రామస్థులకు సమాచారం ఇచ్చారు. విషయం తెలుసుకున్న పోలీసులు ఘటనాస్థలికి చేరుకొని మత్య్సకారుల సాయంతో గాలించారు. చీకటి పడటంతో గాలింపును నిలివేశారు. శనివారం ఉదయం మళ్లీ గాలింపు చర్యలు చేపడతామని ఎస్‌ఐ చెప్పారు.