రాజీవ్‌నగర్‌ చోరీ ఘటనలో పురోగతి

అమీర్‌పేట, న్యూస్‌టుడే: రాజీవ్‌నగర్‌లోని శ్రీ సాయినివాస్‌ అపార్ట్‌మెంట్‌లో జరిగిన భారీ చోరీ ఘటనలో పోలీసులు పురోగతి సాధించారు. తాళం వేసి ఉన్న ఫ్లాట్‌లోకి చొరబడిన దొంగలు సుమారు 2 కిలోల బంగారు ఆభరణాలు, రూ.25లక్షల నగదు చోరీ చేసిన విషయం తెలిసిందే.  ఆ కుటుంబం స్వగ్రామానికి వెళ్లగా బుధవారం అర్ధరాత్రి ఈ చోరీ జరిగింది. భారీగా నగలు, నగదు మాయం కావడంతో ఎస్సార్‌నగర్‌ పోలీసులతోపాటు రెండు టాస్క్‌ఫోర్స్‌ బృందాలు దొంగలను పట్టుకునేందుకు రంగంలోకి దిగాయి. పాత నేరస్థుడే ఈ చోరీకి పాల్పడినట్లు పశ్చిమ మండలం పోలీసులు గుర్తించారు.  అతని సోదరుడిని ప్రస్తుతం టాస్క్‌ఫోర్స్‌ పోలీసులు అదుపులోకి తీసుకున్నట్లు తెలిసింది.