గతంలో మూణ్నెళ్ల ముందే సంక్రాంతి సందడి: తలసాని

పీపుల్స్‌ ప్లాజాలో పతంగి ఎగురవేస్తున్న మంత్రి శ్రీనివాస్‌యాదవ్‌

ఖైరతాబాద్‌, న్యూస్‌టుడే: గతంలో సంక్రాంతి పండుగకు మూడు నెలల ముందు నుంచే సందడి కనిపించేదని మంత్రి తలసాని శ్రీనివాస్‌ యాదవ్‌ అన్నారు. తాను స్వయంగా పతంగులు తయారు చేసి ఎగురవేసేవాడినని చెప్పారు. ప్రస్తుతం పాశ్చాత్య సంస్కృతి వల్ల మన పండుగలు, సంప్రదాయాలు మర్చిపోయే పరిస్థితి వచ్చిందని ఆవేదన వ్యక్తం చేశారు. సంక్రాంతి సందర్భంగా శనివారం పీపుల్స్‌ ప్లాజాలో కైట్‌ ఫెస్టివల్‌లో పతంగులు ఎగురవేశారు. రాష్ట్రంలో రైతులు సుఖ సంతోషాలతో ఉండాలని ముఖ్యమంత్రి కేసీఆర్‌ 24 గంటల విద్యుత్తు, రైతు బంధు పథకాలు అమలు చేస్తున్నారన్నారు. ఆయన వెంట తెరాస నాయకులు గుర్రం పవన్‌కుమార్‌గౌడ్‌, బాలరాజు యాదవ్‌, శైలేందర్‌, బాబూరావు, ప్రవీణ్‌రెడ్డి, సురేష్‌గౌడ్‌, శేఖర్‌ తదితరులు ఉన్నారు.