TS News: భాజపా రాష్ట్ర కార్యాలయానికి భద్రత పెంపు

హైదరాబాద్‌: గణతంత్ర దినోత్సవ వేడుకల నేపథ్యంలో హైదరాబాద్‌ నాంపల్లిలోని భాజపా రాష్ట్ర కార్యాలయం వద్ద భద్రతను పెంచారు. గణతంత్ర దినోత్సవం సందర్భంగా భాజపా కార్యాలయానికి ఉగ్ర ముప్పు ఉందన్న హెచ్చరికలతో పోలీసులు అప్రమత్తమయ్యారు. అబిడ్స్‌ సీఐ ప్రసాద్‌ ఆధ్వర్యంలో భాజపా రాష్ట్ర కార్యాలయం మొత్తాన్ని తనిఖీ చేశారు. పార్టీ కార్యాలయం ఎదుట ఎలాంటి వాహనాలు నిలుపరాదని ఆదేశించారు. కొత్త వ్యక్తులు కనిపిస్తే అప్రమత్తం చేయాలని కార్యాలయ సిబ్బందికి పోలీసులు సూచించారు. జనవరి 26వరకు అప్రమత్తంగా ఉండాలని, రాత్రి సమయంలో గస్తీని ముమ్మరం చేయాలని ఉన్నతాధికారులు పోలీసు సిబ్బందిని ఆదేశించారు.