Crime News: హైదరాబాద్‌లో డ్రగ్స్‌ వాడుతున్న సంపన్నులను గుర్తించాం: సీవీ ఆనంద్‌

హైదరాబాద్‌: డ్రగ్స్‌ మాఫియా ప్రధాన నిందితుగు టోనీని అరెస్టు చేసినట్లు హైదరాబాద్‌ సీపీ సీవీ ఆనంద్‌ తెలిపారు. ముంబయిలో అతడిని అరెస్టు చేసిన టాస్క్‌ఫోర్స్‌ పోలీసులు ఇవాళ హైదరాబాద్‌కు తీసుకొచ్చారు. ఈ సందర్భంగా సీవీ ఆనంద్‌ మీడియా సమావేశం నిర్వహించి వివరాలు వెల్లడించారు. ‘‘2013లో వీసాపై టోనీ నైజీరియా నుంచి ముంబయి వచ్చాడు. వీసా గడువు ముగిసినా ముంబయిలోనే ఉంటున్నాడు. డ్రగ్స్‌ వినియోగిస్తున్న వారిలో సంపన్నులు ఉన్నారు.

హైదరాబాద్‌లో డ్రగ్స్‌ వాడుతున్న 13 మంది సంపన్నులను గుర్తించాం. వారిలో 9 మందిని అరెస్టు చేశాం. టోనీతో సంబంధాలు పెట్టుకొని వీరు డ్రగ్స్‌ కొనుగోలు చేస్తున్నారు. డ్రగ్స్ వినియోగిస్తున్న వారిపై న్యాయనిపుణుల సలహాలతో కేసులు పెడుతున్నాం’’ అని సీపీ సీవీ ఆనంద్‌ తెలిపారు.