వ్యవసాయ శాఖలో త్వరలోనే పదోన్నతులు

నారాయణగూడ, న్యూస్‌టుడే: వ్యవసాయ శాఖలో పదోన్నతుల ప్రక్రియ త్వరలోనే ముగుస్తుందని మంత్రి సిరగిరెడ్డి నిరంజన్‌రెడ్డి వెల్లడించారు. తెలంగాణ వ్యవసాయ అధికారుల సంఘం (టీఏవోఏ) దైనందిని ఆవిష్కరణ సభ గురువారం అబిడ్స్‌లో జరిగింది. సంఘం ఛైర్మన్‌ బి.కృపాకర్‌రెడ్డి అధ్యక్షతన వ్యవసాయ శాఖ కార్యదర్శి రఘునందన్‌రావు, వైస్‌ ఛైర్మన్‌ సత్యనారాయణ, ప్రధాన కార్యదర్శి జి.కృపాకర్‌రెడ్డి, కోశాధికారి విజయకుమార్‌, హైదరాబాద్‌ ప్రధాన కార్యదర్శి షర్మిల, మంత్రి లైజనింగ్‌ అధికారి కరుణాకర్‌రావు, సంగారెడ్డి టీజీవో అధ్యక్షులు వైద్యనాథ్‌, సంఘం నేత రాజేష్‌ చైతన్య పాల్గొన్నారు.