బల్దియాకు ఇద్దరు అదనపు కమిషనర్లు

ఈనాడు డిజిటల్‌, హైదరాబాద్‌: హైదరాబాద్‌ మహానగర పాలక సంస్థకు ఇద్దరు ఐఏఎస్‌ అధికారుల్ని అదనపు కమిషనర్లుగా నియమిస్తూ ప్రభుత్వం గురువారం ఉత్తర్వులు జారీ చేసింది. రాష్ట్రవ్యాప్తంగా జరిగిన సాధారణ ఐఏఎస్‌ల బదిలీల్లో భాగంగా శృతిఓజా, పౌసుమి బసు జీహెచ్‌ఎంసీ అదనపు కమిషనర్లుగా నియమితులయ్యారు. వీరిలో శృతి ఓజాకు గతంలో జీహెచ్‌ఎంసీలో పనిచేసిన అనుభవం ఉంది. పారిశుద్ధ్యం, ఆరోగ్యం, ఎస్టేట్స్‌, క్రీడల విభాగాలకు అదనపు కమిషనర్‌గా పని చేశారు. అనంతరం జోగులాంబ గద్వాల జిల్లాకు పాలనాధికారిగా బదిలీపై వెళ్లిన సంగతి తెలిసిందే. ప్రస్తుతం జీహెచ్‌ఎంసీలో ఆరుగురు అదనపు కమిషనర్లు ఉండగా.. తాజా నియామకాలతో ఇప్పుడా సంఖ్య ఎనిమిదికి పెరిగింది.