విద్యుదాఘాతంతోనాలుగేళ్ల బాలుడి మృతి

సుఫియన్‌

పహాడీషరీఫ్‌, న్యూస్‌టుడే: విద్యుదాఘాతంతో నాలుగేళ్ల బాలుడు మృత్యువాత పడ్డాడు. బాలాపూర్‌ ఇన్‌స్పెక్టర్‌ భాస్కర్‌ తెలిపిన వివరాల ప్రకారం... జల్‌పల్లి పురపాలిక ఎర్రకుంటకు చెందిన వ్యాపారి మొహ్మద్‌ సిరాజుద్దీన్‌ కుమారుడు సుఫియన్‌(4) శుక్రవారం మధ్యాహ్నం ఇంటి ఆవరణలో ఆడుకుంటున్నాడు. ఈ క్రమంలో పక్కనే ఉన్న స్నానాల గదిలోకి వెళ్లి బకెట్‌లో నీళ్లు వేడిచేస్తున్న కరెంటు హీటర్‌ను చేతులతో బయటకు తీశాడు. దీంతో విద్యుదాఘాతానికి గురయ్యాడు. తీవ్రగాయాల పాలైన బాలుడిని తల్లితండ్రులు ఓవైసీ ఆసుపత్రికి తీసుకెళ్లారు. అక్కడ చికిత్స పొందుతున్న క్రమంలో సుఫియన్‌ మృతిచెందాడు. ఫిర్యాదు అందుకున్న బాలాపూర్‌ పోలీసులు కేసును నమోదు చేసుకుని దర్యాప్తు చేస్తున్నారు.