నార్సింగి బంగార్రాజు

నార్సింగి న్యూస్‌టుడే: నార్సింగి పట్టణానికి చెందిన వార్డు కౌన్సిలర్‌ పత్తి శ్రీకాంత్‌ శుక్రవారం పశువుల జాతరలో తళుక్కున మెరిశారు. ఆయన మెడలో రెండు భారీ బంగారు గొలుసులు ప్రత్యేక ఆకర్షణగా నిలిచాయి. ఈ విషయమై ఆయనను ప్రశ్నించగా..గతంలో తాను బహ్రేయిన్‌లోని రాజమందిరంలో ఉద్యోగం చేసే వాడినని, అప్పుడు జీతం డబ్బులతో 1993లో ఈ బంగారు గొలుసులు కొనుక్కున్నానని వివరించారు. అతి ముఖ్యమైన సందర్భాలలో మాత్రమే వాటిని ధరిస్తానన్నారు. మిత్రుల కోరిక మేరకు ఈ రోజు ధరించానన్నారు. వాటి బరువు, విలువకు సంబంధించిన సమాచారం వెల్లడించేందుకు నిరాకరించారు.