శంషాబాద్‌లో భారీగా బంగారం పట్టివేత

హైదరాబాద్‌: శంషాబాద్ విమానాశ్రయంలో కస్టమ్స్‌ అధికారులు పెద్ద ఎత్తున అక్రమంగా తరలిస్తున్న బంగారాన్ని గుర్తించారు. ఓ ప్రయాణికుడి నుంచి రూ. కోటి 36లక్షల విలువైన 2715.800గ్రాముల బంగారాన్ని స్వాధీనం చేసుకున్నట్లు అధికారులు వెల్లడించారు. దుబాయ్‌ నుంచి వచ్చిన ప్రయాణికుడిని కస్టమ్స్‌ అధికారులు అనుమానంతో తనిఖీ చేశారు. ఆ వ్యక్తి తన బ్యాగులో రెండున్నర కిలోలకు పైగా ఉన్న గోల్డ్‌ చైన్‌లతో పాటు బంగారాన్ని పేస్టుగా చేసి తీసువచ్చాడు. ఆ బంగారాన్ని సీజ్‌ చేసిన కస్టమ్స్‌ అధికారులు.. నిందితుడిని అదుపులోకి తీసుకున్నారు.